أهم 6 أخطاء في أداء الكارديو و طريقة حلها

من طرف Mony khaled الثلاثاء يونيو 17, 2014 12:30 am

[size=32]السلام عليكم ورحمة الله وبركاته

[/size][size=32]دا أول موضوع ليا هنا

و إن شاء الله يعجبكم

هنتكلم النهاردة عن موضوع مهم جدا وهو

[size=48]أهم 7 أخطاء في أداء الكارديو و طريقة حلها

[/size][size=48]الخطأ الأول : الإعتقاد أن الكارديو طويل المدة ومنخفض الكثافة يأتي بنتائج مرضية !

بص ما هي بالعقل إستحالة قلبك هيجيب نتائج مرضية والهارت ريت او معدل نبضات قلبك موصلش لدرجة كافية من منطقة حرق الدهون

طيب إيه الحل

الحل : عشان توصل لدرجة مرضية إلعب بنظام الفواصل .. الي هو تمشي دقيقة وبعدين سرعة متوسطة دقيقة وبعدين سبرينت دقيقة .. وترجع تاني متوسط ثم مشي وهكذا .. هي دي افضل واسرع وسيلة لحرق الدهون .. النظام دا بيختلف ازاي عن الاول .. إنك في الاول ممكن تحرق 100 كالوري في 20 دقيقة .. لكن نظام الفواصل يحرق 150 كالوري في 10 دقايق .. وهيحرق دهون في وقت قصير اسرع من التمارين الطويلة منخفضة الكثافة .. ويمتاز نظام الفواصل إنه بيساعد على تحسين عملية الأيض وكمان بيبقا في فترة قصيرة بعد التمرين جسمك بيستمر فيها بحرق الدهون ..

الخطأ التاني : إعتقاد الناس بإن تمرين كارديو سريع هيبدأ يحرق دهون بقا و هيفكر إن الدهون هتسقط من جسمه زي المطر . حلو المطر دي

مبدأيا قبل ما نقول الحل ,, لازم تعرف ان جسمك بيبدأ يحرق دهون بعد مدة بسيطة ودي الي بنوصل فيها لمنطقة حرق الدهون ودي مدتها 15-25 دقيقة حسب طبيعة الأجسام

الحل : بسيط جدا .. إنت لو سخنت بس مدة 10 دقايق وبعدين جريت شوية 10 كمان هتبدأ تحرق وتخش بقا جو الحرق .. وفي حل تاني إنت ممكن الصبح تلعب كارديو أصلا هتخش برضو منطقة حرق الدهون بشكل أسرع ونصيحة مني ليك لو عاوز تخش تحرق اسرع وبقوة ! خش بعد تمرينة الحديد ! هتحرق دهون بإفترااء

الخطأ التالت : بعض الناس قبل الكارديو واكرر الكارديو مش تمرينة الحديد .. بيضربوا حتة شيكولاتة او اي حاجة مسكرة اووي ..

لا احب اقولك إن جسمك هيبدأ يحرق الجديد الي انت اكلته دا وحلني بقا عقبال ما توصل كمان لسعراتك الي اصلا عايز تحرقها ودهونك الي جسمك هيفكر يحرقها بعد كدا .. يعني من الاخر وقتك هيطول اووي ومش هتوصل كمان لحرق يرضيك .. عشان كدا بقولك بعد تمرينة الحديد بتكون خلصان تخش على المشاية او العجل وتبدأ بقا تجيب من الي جوااك شوية
او الصبح على معدة فاضية هتجيب نتائج حلوة ..

طييب الحل : طالبة معاك تاكل برضو وكدا يبقا ناكل حاجة منخفضة السكريات زي التفاح مثلا .. تضرب تفاحة وتروح تجري .. على الاقل هتعرف تحرقهم اسرع عشان بقا تخش على دهونك وتحرقها

الخطأ الرابع : هو أنا طبعا نصحت إن ينفع تلعب على معدة فاضية .. إنما اجمع عليها بعض الناس إن اللعب على معدة فاضية ليها بعض المشاكل .. زي حرق اسرع في ترسبات العظام والعضلات والمية بس بشكل مش لطيف

الحل : تاكل حاجة خفيفة كدا وتشرب مية كويس .. ومتزودش عن 15 دقيقة جري .. بس كدا .. ويفضل كمان ميكونش الجو عالي الحرارة ويكون لبسك خفيف ومتوصلش نفسك لإجهاد قوي يعني لو متوسط الكثافة اداءك برضو هيفي بالغرض

الخطأ الخامس : في ناس بتنزل تجري او تلعب رياضة تقوم ضاربة 15-16 ترينج فوق جسمها .. وانا صراحة شفت الناس دي كتيير

طبعا هما هيخسروا دهون وكل حاجة إنما هما بيجازفوا بتعريض نفسهم للجفاف والتعرق القوي ويمكن الإرهاق الي هيتسولي عليهم طول اليوم .. دا غير طبعا مضاعفات الجفاف وبالتالي قلة التمرين وقلة كفاءة الأداء ومشاكل لا حصر لها

الحل : زي البشر تلبس لبس طبيعي جدا يخلي حرارة جسمك مريحة .. وتحس إنك مش هتعرق بالشكل القوي وتكون شارب مية كويس جدا جدا .. وتأكد برضو إنك هتحقق النتائج المطلوبة في التمرين وكمان بعد الراحة أيضك هيرتفع فهتحرق بإنجاز .. فمتلبسش 15 -16 تريننج والنبي

الخطأ السادس : و دا هو إستعمال الألات الثابتة بشكل دائم وعدم الإعتماد على الكارديو الحر زي الجري في الشوارع او السباحة او نط الحبل او قيادة العجل الحر مش الآلة

طيب هتقولي ايه الفرق هقولك انك هنا عوامل اتغيرت وبتقوي الدوافع في الأداء .. زي مقاومة الهوا او مقاومة الماء زي نط الحبل إنت بتعملها حر وبتكتسب مع الرياضة التوازن زي العجل هنا تركيزك بيزيد عشان تتحكم اكتر

بس كدا فالحل : إنك تنوع مش دايمن تروح صالة الجيم وتلعب على الآلات لا العب حر كتير ودور على فديوهات كارديو حر هتلاقي في كتير وكتير في يوتيوب

ودا واحد هدية عشانكم للمبتدئين

[/size][/size]