كيفية معرفة نسبة الدهون والتخلص من الزائد منها

السلام عليكم جميعاً

   أحنا هنقسم الموضوع لجزئين
   الجزء الأول وهو نبذه عامة عن الدهون بالجسم او بمعنى أخر السمنة وكيفية التخلص منها.
   الجزء التاني هنعرف أزاي نقيس نسبة الدهون في الجسم.

   : نبدأ بسم الله :
   السمنة نوعان:
   1: سمنة بسيطة.
   2: سمنة وراثية أو مفرطة.
   ويجب إن نتفق إن العامل الوراثي يلعب دور هام في كلتى الحالتين
   وما سنتكلم نحن عنه في إيجاز هي السمنة البسيطة،
   وكا تعريف عام للسمنة: هي زيادة وزن الجسم عن الوزن الطبيعي له بمعدل 20%.
   وسنتعرف من خلال الموضوع عن طريقة قياس مستوى السمنة في الجسم.

   كيف أنقص من وزني الزائد:

   يجب أن نفهم أولاً مبدأ السعرات الحرارية،فلكل عمل تبذله حتى لو كان في غاية البساطة يستنفذ من السعرات الحرارية المخزنة بداخلك ولهذا مثلاً عندما نرى أحد الأصدقاء مرهق أو به حالة غثيان نقول له ( أنت مفطرتش أنهارده ولا أيه!! )،فيجب إن نتفق إن في حالة نقصان السعرات الحرارية المخزنة بداخلك فلا شك إنه سيعود عليك بلأجهاد،ولكن ماذا سيحدث إن زاد معدل السعرات الحرارية الموجودة بجسمك عن المعدل الطبيعي؟ إن زاد..فأنه سيبحث عن مخرج يستنفذ فيه تلك القوى الزائدة،فأن لم يجد يتحول هذا المحزون إلى صورة دهون زائدة.

   ما الحل ؟
   فنحن لا نريد إن نضعف من قوانا ولا نريد إن نزيد منها فتتحول إلى دهون!، فمما لا شك فيه ستجد بين الناس من يدعي ممارسة الرجيم مثل رجيم الفواكة والخضروات ألخ، وستجد منهم من يحرم نفسه من الأكل أساساً ولا يأكل ألا نوع واحد، ظناً منهم بالحصول على نتيجة جيدة.
   والحقيقة أنهم بالفعل سيحصلون على نتيجة،ولكنها أبعد ما تكون مما يحلمون بهِ.
   يقول الأطباء والمتخصصين عن علاج السمنة البسيطة:العلاج ينقسم إلى قسمين
   الأول هو التغذية السليمة: وهو تناول مواد غذائية تحتوي على مستوى منخفض من السعرات الحرارية بحيث تؤدي إلى أنقاص الوزن بحوالي 3-4 كجم في الشهر حتى يصل إلى الوزن المثالي،كما يجب أتباع وجبات غذائية تحتوى على مستوى متوسط من السعرات الحرارية لمدة ثلاثة أشهر بعد أكتساب الوزن المثالي ويمكنك معرفة قيمة السعرات الحرارية لكل نوع من أنواع الطعام بلأطلاع على الجداول المبينة لهذه القيم، وتجدوها في الكتب المتخصصة للأغذية.
   الثاني ممارسة الرياضة وزيادة النشاط البدني: أعلم جيداً إن الرجيم الغذائي بدون نشاط جسماني لا جدوى له على الأطلاق،فأنت تقم بحرمان نفسك بدون إي مقابل، نرجع إلى فكرة السعرات الحرارية ونقول إن أعتدلنا في مخزون السعرات الحرارية لدينا في المثل(2000 سعر يومياً) فينقص إن نستنفذ الطاقة الكامنة بداخل الدهون الموجودة في أجسامنا، كما أننا لا نملك السيطرة على معدل ال 2000 سعر حراري يومياً،فلربما تحافظ عليه يوماً وتخله عشرة أيام، ولهذا يجب علينا مراعات النشاط البدني.

   فلنتبع تلك المعادلة: توجد معادلة يمكنك من خلالها معرفة مستواك في أنقاص وزنك.وهي
   إن كان دخل الطاقة=خرج الطاقة فهذا يعد محافظة على الوزن
   إن كان دخل الطاقة أكبر من خرج الطاقة فهذا يعد زيادة في الوزن
   إن كان خرج الطاقة أكبر من دخل الطاقة فهذا يعد أنقاص للوزن
   مثلاً..أنا اليوم مقدر لنفسي مخزون 1500 سعر حراري، فأن جلست ولم أبذل أي مجهود فستتحول 1500 هذه لما يعادلها من دهون
   ولكن كا مثال لو أني قمت بممارسة الرياضة لمدة 10 دقائق، فتسبب النشاط البندي هذا في أنقاص 50 سعر حراري من ال 1500 فأصبح لدينا 1450 سعر حراري، لعلك الأن يأست وقلت 50 من 1500 فأني لن أنجح أبداً،لا تيأس..لقد قلنا إن ابسط الأشياء التي نفعلها في يومنا تحتاج إلى صرف معين من السعرات الحرارية كي يمكننا القايم بها، مثل الوقوف ومثل المشي ومثل الصلاة ومثل العمل وحتى غسيل الأطباق..الهدف أنك تراعي التوازن بين النشاط البندي ومعدل مخزونك من السعرات الحرارية.

   الرياضة حتماً ولابد:الحقيقة إن من الغريب هو وجود النشاط الرياضي كأول عنصر من عناصر أنقاص الوزن قبل الرجيم! لما؟
   لأنك مثلاً وإن حصلت بعد عدت شهور على وزنك المثالي جراء رجيم معين، فأنه سيرضيك مؤشر الميزان حينما تنظر إلى وهو يشير إلى وزنك المثالي، ولكن لن يرضيك أبداً النظر إلى جسمك في المرآة،لأنه من مخلفات السمنة شيء يسمى السمنة الموضعية أي تراكم بعض من بقايا الدهون في أماكن معينة من الجسم كا منطقة الحوض والفخذين والصدر وهذا رغم وصولك للوزن المثالي، وهو ما نطلق عليه بالتراهلات.
   ولكن ممارسة الرياضة تعمل على أنجاز أكثر من مهمة في نفس الوقت على سبيل المثال وليس الحصر نذكر:
   1: أنقاص الوزن الزائد
   2: معالجة السمنة الموضعية
   فهي تعمل على شد الجسم وقتل الدهون المخباه تحت الزراعين والبطن ألخ

   أفضل صورة للنشاط البدني والرياضي:
   الحقيقة مع توافر ألعاب رياضية شتى تأتي بالفائدة على ممارسيها،ولكننا نبحث عن ما يوفر لنا الوقت ويعطينا النتيجة التى نبحث عنها وبشكل مناسب لجميع طبقات المجتمع،ألا وهو العدو..(الجري) فأنه لا توجد لعبة من الألعاب الرياضية ألا ويتوج العدو في خصائصها، حتى تنس الطاولة،لأن العدو له فوائدة لا حصر لها،وحتى أن مارست أي لعبة بدون ممارستك للعدو فربما ستنجح ولكن أدائك سيكون في غاية السوء وتقدمك فيها سيكون بطيء جداً، والعكس صحيح. فإن مارست العدو حتى إن لم تمارس إي لعبة أخرى فسيكون أدائك أفضل من ممارسي أي لعبة أخرى لا يمارسوا فيها العدو..في الجري يقم الأنسان بتحريك جميع عضلات الجسم والمفاصل بشكل كامل، كما أنه الحل السريع جداً لأنقاص الوزن ولا يفوقه أي لعبة أخرى في هذا الهدف بالذات فيمكنك إن تفقد أزيد من 1000 سعر حراري مقابل ممارستك إلى كرة القدم مثلاً وكرة القدم أساسها الجري.
   فما بالك إن كنت تمارس الجري وحده ؟

   ده كان جزء من بحث عملته قبل كده إن شاء الله هبقى اعرض البحث منفرد في موضوع منفصل

   دلوقتي ننتقل للجزء التاني من الموضوع

   نسبة الدهون في الجسم هي الفيصل الحقيقي في تحديد اذا كان الوزن زائد عن المعدل الطبيعي أم لا

   لأن ممكن واحد يبقى وزنه 90 كيلو وطولوا 170 وجسمه كله دهون !!
   وممكن واحد تاني بنفس الوزن ونفس الطول ونسبة الدهون في جسمه قليلة !!

   شوفوا الصورة دي كده



   ازاي ؟

   زي ما قلت الفيصل في الجزئية دي هي نسبة الدهون في الجسم

   في أكتر من طريقة لمعرفة نسبة الدهون بالجسم منها على سبيل المثال وليس الحصر
   طرق ألكترونية وطرق قياس عادية.

   الطرق الألكترونية: وهي عبارة عن أجهزة تحتوي على مقبض بتمسكه بأيدك الأتنين وبتدخل طولك ووزنك وهو بيحدد لك نسبة الدهون في جسمك وده مثال عليه..



   وفي بعض الصيدليات بيكون في جهاز بيقوم بنفس المهمة دي بس مش شكل الجهاز اللي في الصورة بيكون شكل تاني..
   زي صيدليات مصر(اسمها كده) او العزبي قول للصيدلي او الكاشير عايز اعمل تحليل نسبة دهون وهو بخمسة جنية تقريباً.

   والطريقة الألكترونية بصراحة انا مش بثق فيها الا اذا النتيجة نفس نتيجة القياس العادية أو ان تكون النتيجة متقاربة.

   طريقة القياس العادية: وليها اكتر من شكل
   ممكن عن طريق جهاز زي ده

   هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1477x1041 .


   بتقيس بيه اجزاء معينة في الجسم ومنها بتعرف النسبة.

   وفي طريقة تانية وفعالة وسهلة جداً على الجميع وانصح بيها مع الطريقة الألكترونية.
   وهي عن طريق المتر او ما يسمى (المازوره)
   المازورة هي المتر اللين وهنشوف صورته دلوقتي
   ممكن تشتروه من اي مكتبة ب 2 او 3 جنية.

   وعن طريقة بيتم قياس قطر أماكن معينة هقول لكم عليها وبنكتب القيم دي في موقع وبيظهر لنا نسبة الدهون.
   وزي ما قلت نقارنها بنتيجة الجهاز الألكتروني.

   أولاً هنقيس الأماكن دي بالمازورة مع مراعاة عدم شد المتر او تراخيه يعني يكون عادي على الجسم.
   1:محيط الخصر والمكان تحديداً هو عند اضيق نقطة وبتكون فوق السرة مباشرة.
   2:محيط الأرداف والمكان تحديداً عند أعرض نقطة.

   زي الصورة دي بالظبط



   تمام ؟

   نكمل قياس

   3:هتقيس محيط المعصم.
   المعصم اللي هو بعد قبضة اليد على طووول
   زي الصورة دي يا باشا



   تمام ؟

   4:هتقيس محيط الساعد وتحديداً زي الصورة دي.

   هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 640x480 .


   تمام ؟

   دلوقتي بقى عندنا اربع قياسات لأربع أماكن

   هتدخل على اللينك ده (ملاحظة بعض المواقع تحتوي على صور نساء حتى أخلى مسؤليتي أمام الله)



   وتحط القياسات بالترتيب الأتي:
   *بالنسبة للذكور هيقيس الوزن والخصر فقط ويكتبهم
   1: وزنك
   2:الخصر
   3:المعصم
   4:الأرداف
   5:الساعد
   اخر حاجة حدد النوع ان كان بنت فيميل وولد ميل
   وتضغط Calculate

   وهتظهر لك النسبة
   لو النسبة ازيد من 20% فده بداية خطر على صحتك
   لو 20% فأقل فده جسم صحي
   لو عايز بقى جسم موديل ومشدود ألخ يبقى النسبة من 10% الى 15%
   وعلى فكرة عشان عضلات البطن تنور لازم النسبة تبقى 10% فأقل

   أضافة موقع جديد لقياس نسبة الدهون بتاريخ 21/9/2011

   الموقع ده انا بعتبره موقع ممتاز جداً لأن من خلال بتقدر تقيس نسبة الدهون
   ومعادل كتلة الجسم وفي مزايا تانية كتير أحنا هنتكلم عن نسبة الدهون دلوقتي

   عنوان الموقع


   هتلاقي زي ما في الصورة:


   1: الطول بالسم
   2: الوزن بالكيلو جرام
   3: محيط الخصر بالسم
   4: محيط الرقبة
   5: محيط الأرداف (للأناث فقط)
   وخلي بالكم ان البيانات دي تكتبوها في خانة Metric Units
   واللي عايز توضيح اكتر هيلاقي في الموقع على الشمال فوق صور توضيحيه للأماكن المراد قياسها.

   بعد ما ندخل المقاسات تحت شوية هنلاقي 3 خيارات وبيعبروا عن مستوى نشاطك هل انت نشاطك عادي او متوسط او نشيط جدا اختار اللي يناسبك من ال 3 اختيارات.
   وبعدين اضغط على Calculate

   هتظر لك النتيجة زي كده تقريبا
   Body Mass Index: 26.7 kg/m2
   Waist-to-Height ratio: 0.49
   Percent Body Fat: 20.2%
   Lean Body Mass: 66.1 kg
   زي ما ذكرت ان للموقع مزايا كتيره ان شاء الله هقول عليها في موضوع منفرد.

   دلوقتي عايزين نركز اننا عندنا 3 طرق قلنا عليهم لقياس نسبة الدهون في الجسم من غير ما نحتاج نروح لدكتور تخسيس ولا الكلام ده الحمد لله.
   أول طريقة الميزان الألكتروني واللي بيكون في الصيدليات الكبيرة وده قلنا بـ 5 جنيه.
   تاني طريقة عن طريق الموقع الأول
   ثالث طريقة عن طريق الموقع الثاني

   ملاحظة: ياريت القياسات ناخدها الصبح بعد الأسيقاظ من النوم وعلى معدة خاويه.

   ربما تجد فروقات بسيطة في النتيجة بين الثلاث طرق بس ان شاء الله الفروقات مش هتزيد عن 1% وبالتالي هتبقى انت عرفت نسبة الدهون عندك قد ايه بكل سهولة بفضل الله.
   بالله عليكم اذا استفدتم من الموضوع برجاء الدعاء لي بالتوفيق في الدنيا والأخرة

   ولو حد عايز يسأل في اي حاجة تخص الموضوع يتفضل

   +غير منقول ^^

   اسألكم الدعاء بلاش بخل