التخسيس - العقبه المستحيله - الموضوع اصبح اسهل بكثير (حلم التخسيس )

السلام عليكم ورحمه الله وبركاته
- مقدمه -

الموضوع انهارده عن التخسيس والعقبه اللى ناس كتير شايفنها مستحيل

والناس كتير بتعانى من الموضوع ده وشايفينه صعب جدا
ان شاء الله مش هتخرج انهارده بدون ما تحث انك استفدت حاجه انشاء الله
نبدا على بركه الله


طبعا كل واحد جسمه مليان وفيه دهون بيحلم بجسم رشيق وفيه عضلات و 6 باكس






طبعا هنبتدى بى اول حاجه وهو الناس اللى بتفتكر ان التخسيس ده لازم نظام غذائى قاسى
وممنوع الاكل وتمرين 24 ساعه وتمارين شاقه كارديو ليل ونهارعشان يخسو
طبعا الكلام ده كله غلط


انشاء الله هنمشى واحده واحده عشان نعرف احنا هنعمل ايه عشان نحقق الحلم ده


- التغذيه السليمه والصحيه والنظام الغذائى
لازم يا بطل تقسم وجباتك فى اليوم الى 5 - 7 وجبات صغيره
ويكون معدل البروتين فيهم كتير - والكارب متوسط - والدهون نافعه
والنظام الغذائى هيكون
1- خالي من الحلويات والكيك والشيبسي والمياه الغازيه لما فيها من سكريات عالية
2- الزيوت والدهون المضره واستبدلها بالزيوت الصحي ( زيت الزيتون ) والدهون المفيدة ( المكسرات )
3- نسبة اكلك هتكون 50% بروتين 40% كارب 10% دهون

وده موضوع عن نظام غذائى ممتاز ومجرب من ناس كتير لو مش هتقدر تعمل النظام الغذائى لنفسك

وده موضوع ممتاز عن التغذيه برضو هيفيد حضرتك جدا





تمارين الحديد ( كمال الاجسام )
التمرين مفيد جدا فى مرحله التخسيس او الضخامه
فى مرحله التخسيس انت بتبدى تنزل الدهون وفى نفس الوقت بتبدى تبنى كتله عضليه
عشان تلاقى شكل الجسم المطلوب مش مترهل بعد فقد الدهون
وده موضوع لمبتدئى كمال الاجسام هيساعد الناس جدا










الكارديو
الكارديو مفيد جدا جدا فى مرحله التخسيس
وبيساعد فى فقد الدهون والمحافظه على الكتله العضليه
ممارسه الكارديو من 20 - 30 دقيقه بعد التمرين مباشره
بيكون معدل الحرق عالى وبيساعد على فقد الدهون
الكارديو ممكن تمارسه من 4 الى 5 ايام فى الاسبوع وراحه يومين منه او 3 ايام على حسب نسبه الدهون فى جسمك
وده موضوع عن الكارديو مفيد جدا لكل من لا يعلم ما هوا الكارديو










التمرين السليم
طبعا ما قولنا قبل كده الناس فاكره عشان تخس لازم تدخل تلعب 20 تمرينه وكل تمرينه 15 مجموعه
وده طبعا غلط الاوفر ترينينج يودى اللى عدم نمو العضله مش بنائها


بالنسبه للتمرين
حضرتك ممكن تمشى على جدول تمرين
5 ايام وراحه يومين او 4 ايام وراحه 3 ايام
جدول ال 5 ايام تمرين (بنش - ضهر - راحه - كتف + ترابيس - دراع - رجل - راحه)
جدول الاربع ايام (بنش + باى - ضهر + تراى - راحه - كتف + ترابيس - رجل - راحه - راحه )

والرحه تكون مش اققل من 7 ساعات متواصله اثناء الليل


والمجموعات بتكون 3 - 4 مجموعات للعضله الصغيره
4 - 5 مجموعات للعضله الكبيره


بالنسبه بقى للعدات
العدات بتكون 12 - 10 - 8
مع زياده الوزن كل دور
مثال ( انت هتلعب مثلا باى تبادل )
اود دور 12 عده مثلا هتلعب بى 10 كيلو
تانى دور 10 عدات هتلعب بى 12.5 كيلو
ثالث دور هتلعب 8 عدات بى 15 كيلو
ملحوظه لو حسيت الوزن خفيف فى اى مجموعه وبتجيب العدات بسهوله جدا يبقى تتقل والعكس صحيح
واهم حاجه تلعب التمرين صح وتكون فى اخر عدتين من كل مجموعه بتموت










تمارين البطن
طبعا تمارين البطن مفيده جدا لنقص الدهون فى منطقه البطن وبناء عضله ال 6 باكس
البطن بتكون مقسمه
علوى - سفلى - جوانب
هتلعبها 3 مرات فى الاسبوع مقسمه
يعنى انهارده مثلا لعبت علوى - بعد بكره تلعب سفلى - تفوت يوم وتلعب جوانب
وافضل الاوقات بتكون مع الكتف - الصدر - الدراع
وديه التمارين يا وحش

Crunches Exercise Guide and Video
Leg Pull-In Exercise Guide and Video
Oblique Crunches - On The Floor Exercise Guide and Video
التمارين بتكون 3 مجموعات للزاويه فى 20 عده
يعنى 60 عده مقسمه

او لحد الانهيار بمعنى تجيب عدات على قد ما تقدر








كده يا بطل فيه نقط لازم نتفق عليهم


- التغذيه السليمه
- التمرين السليم
- الراحه السليمه
- ممارسه الكارديو
- ممارسه رياضه كمال الاجسام
- لعب عضله البطن والاهتمام بها


ديه نهايه الموضوع يا رب اكون عرفت افيد بشويه معلومات
واكون عرفت افيد بعض الاشخاص بشويه معلومات من عندى
بالتوفيق للجميع