غش المكملات الغذائية - ما لنا وما علينا -

من طرف Mony khaled الأحد يونيو 15, 2014 9:07 pm

السلام عليكم اولا

الحقيقة انا انصدمت لما سمعت خبر ضبط 1 طن من المكملات المغشوشة
يمكن الموضوع ده حاصل من فترة كبيرة لكن للأسف عرفته متأخر

مكنتش متخيل ان الغش في المكملات بالحجم ده
وبالشكل الأحترافي ده
واسمحوا لي اقول بالفجر اللي في قلوب الناس ده

ما علينا: سبق وقلنا مدح وسناء وشكر في حق من يستحق
قلنا ان في تجار هنا في المنتدى محترمين وثقة وناس كتير اتعاملت معاهم

وما لنا: اننا ناخد حذرنا ونحذر غيرنا لأن ده واجبنا
استحالة اني اكون مسؤول واشوف حاجة زي ده تفشت بالشكل البشع ده واسكت عنها

يمكن ناس كتير عرفت وعارفة بالغش بس معتقدش انهم عارفين ان الغش وصل بلأحتراف ده
بيصنعوا علب بلاستيك تخيلوا حتى العلب بيصنعوها
وبيطبعوا الورق اللي بيكون على العلب يعني استحالة تفرقه عن الحقيقة لأنه مطبوع بأحتراف

انا لو كنت بفكر اشتري مكملات بنسبة 80% بس بعد اللي شفته افتكر بقيت 10%

ومحدش يزعل من كلامي زي ما في الكويس في الوحش ولازم كله يبقى عارف كده كويس