[[ 15 طريقه لإذابه الدهون من الجسم ]] مع الإحتفاظ بالمكتسب العضلي ) الجزء ( 1 )

من طرف Mony khaled الأحد يونيو 15, 2014 9:46 pm

السلام عليكم و رحمة الله و بركاتهالنهارده ان شاء الله هتكلم عن العديد من الطرق التي تساعد في حرق
الدهون الزياه في الجسم ,,,
ــــــــــــــــــــــــــــــــــــــــــــــــــ ـــــــــــــــــــــــ
1 - اتبع ما يسمى بــ دورة الكربوهيدرات : انت غير محتاج ان تقلل او تمنع نفسك نهائياً من الكربوهيدرات بجميع اشكالها لانها تعطيك سعرات اضافيه .. و لكن من الممكن ان تتبع ما يسمى دورة الكربوهيدرات و هي ان تقوم بتناول الكربوهيدرات في الصباح الباكر مع وجيه الافطار حتى تمد عضلاتك بالجليكوجين التي تحتاجه العضلات في زياده محتوى العضله او ما يسمى بالهايبرتروفي في العضلات .. فعند تناول الكاربوهيدرات في الصباح مع وجيه الافطار فان هذا يساعدك في حرق سعرات اضافيه من الطعام عن طريق تحفيز عمليه الأيض في جسمك .. هذا بالاضافه الى ان السعرات المكتسبه من الكاربوهيدرات سوف تم حرقها على مدار نشاطاتك اليوميه .
ملاحظه : الافضل ان تتناول انواع الكربوهيدرات المعقده زي البطاطا و البطاطس و الحبوب زي الفول و العدس و غيرها .. لان دي بتتهضم على فترات اطول و الجسم يستفيد منها فترات اطول .
2 - زود بروتينك بـ نسبة 15% : البروتين ليه تاثير اسمه تاثير توليد الحرارة .. يعني ايه التاثير دا ؟
يعني انت مثلا لما بتاكل اي حاجه في الاكل الجسم عشان يهضمها و المعدع تفرز الانزيمات الهاضمه و تتحرك الامعاء و غيرها كل ده محتاج سعرات حراريه .. فالبروتين بقا السعرات المستخدمه لهضمه بتكون عاليه فبيضيع سعرات كتير منه على هضمه و بالتالي لما تاكل بروتين اكتر هتتحرق سعرات حراريه اكتر من اما تاكل كربوهيدرات او دهون .
3 - اتمرن بطريقه الـ High intensity interval training : الموضوع دا قدم بقا و الناس كلها بقت عارفاه ,, ان هو بدل ما تجري مثلا 10 دقايق على جهاز الجري على سرعه ووتيره واحده .. لا جرب تبدا جري دقيه مثلا سبرنت جامداوي و دقيقه مشي خفيف اوي و تكرر الموضوع ده كذا مره .. و كمان في مواضيع كتير في القسم عندنا بتتكلم عنا لموضوع دا ممكن تتابعوها هتفهموا اكتر .
4 - اتباع اسلوب الدروب سيتس في التمرين : الجروب سيتس و هو بشكل مختصر انك مثلا هتلعب التمرين بوزن كبير و تجيب بالوزن ده 4 او 5 عدات .. صم بعد كدا تخفف الوزن و تلعب بالوزنا لخفيف دا بدون راحه كذا عده لحد ما تحس نفسك مش قادر .. ثم تخفف الوزن كمان مره و تلعب و هكذا لحد ما تجيب اخرك خالص .
5 - مرن جسمك كله او كذا عضله بدل من عضله واحده : النظام ده عليه اختلاف لان في ناس بتقول هيكون فيه اوفر ترايننيج .. بس الفكره فيه انه هيزود ضخ الدم للعضلات و هيزود حرق السعرات كل اما تدخل عضلات كبيره في التمرين زي الـ ظهر و الصجر و غيرها ,, ده هيؤدي الى حرق سعرات اكثر و اكثر .. و بالتالي هيفيد في انقاص الوزن او حرق الدهون بمعنى اصح .
6 - ابدأ يومك بإفطار متوازن و " كبير " : بعض الناس هيتخضو من كلمه كــبير ,, ايوه كبييييييير .. الافطار لازم يكون كبير لانها اهم وجيه في اليوم ... انا عن نفسي بشبهها بالعربيه اللي محتاجه الصبح تسخين كويس عشان تقدر تمشي كويس بقيه اليوم وما تبطلش منك ( طبعاً التششبيه ده خاص بالناس في مصر ) ههههههههههههه ... المهم الفطار لازم يكون متوازن كمان .. يعني يحتوى على كارب و بروتين و دهون و يفضل لو دهون مفيده زي اللوز و الففول السوداني او غيرهم من المكسرات .. و كمان لازم فيتامين معاك في الفطار لدعم الايض في جسمك . المهم يكون الفطار متواازن و كبير .
7 - اتحرك في مكانك عالأقل مره كل ساعه : للناس اللي شغاله في مكتب و شغلهم بيغصبهم يفضلو قاعدين في مكانهم طول اليوم يا عيني .. دول لازم يتحركو كل شويه من المكتب لحته تانيه انه رايح الدبليو سي مثلا او يقوم يلف في المكتب او كدا ... ان شاء الله يتحرك لكمده دقيقه بس الحركه ده هتفيده في حر سعرات اضافيه حتى لو بسيطه
8 - النوم من 7-8 ساعات بليل : الناس اللي بتعاني من نقص النوم بنعاني من عمليات الايض او الميتابوليزم في جسمهم بيكون بطيئ و بيكون في لخبطه في افراز هرموان النمو اللي هو اصلا بيساعد على حرق الدهون .. و بيكون في لخبطه في كل حاجه في جسمهم .. و معلومه اضافيه كدا للطلبه ... ان النوم بيساعد على تثبيت المعلومات في المخ .. لما ثبت من دراسات علميه ان الاحلام اللي الانسان بيحلمها و هو نايم بتثبت معلوماته في مخه .
9 - حاول تجنب الـــ ضغوط : الموضوع دا صعب جداً على ناس كتيره مننا .. خصوصا ان اغلبنا يا طلبه في جامعات يا اما ناس مغتربه و بعيده عن اهلها يا اما وظائف و غيره و التوتر و الضغوط حاجه اساسيه في حياتنا .. لكن نحاول نلاقي اي طريقه نقلل بيها ..
مثلا البعض يرتاح مع سماع القران .. و البعض مع الاغاني و البعض الاخر _ و انا منهم _ بنزل الجيم لما اكون مضايف بيطلع من المخ مواد اسمها الاندورفين و الاينكيفالين المواد ده بتعللي المود اكنك عامل دماغ رباني يعني
ههههههههههههههههههههههه . بس حلوه جربوها كدا بعد الشاور .
10 - التغيير بين ادوات الكارديو المستخدمه : كل الناس اما تقولها كارديو يقولك يعني بتجري قد ايه ؟؟؟
على فكره كارديو مش يعني جري ؟!!! كارديو يعني تمارين قلبيه .. اللي هي بتزرود الهارت ريت ..
وبالتالي ممكن تكون جري او اليبتيكال او العجله او حتى التمارين اعاديه .
11 - ركز على كيفيه اداء التمرين : في ناس كتير في الجيم بالذات في تمارين الاوزان من اول يومين و تلاقيه عايز يشيلك 50 كيلو عشان شاف واحد بيشيلهم .. طيب الواحد ده شوف قعد قد ايه عشان يعرف يشيلهم .. لازم انت الاول تركز على التيكنيك بتاع التمرين الاول قبل ما تركز عالاوزان .. خلي الوزن دا اخر حاجه تعملها ... التكنين الصح هيحرك العضله الصح و هتستفيد منه اكبر استفاده .
12 - اظبط الــ Timer في التمرين : يعني مثلا قبل ما تبدأ تمرينك قول انا تمرنيني النهارده يهيكون ساعه و نص مثلاً .. روحح ظابط التايمر بتاعك بقا على 90 دقيقه مثلاً و كل اما تحس نفسك هتدلع او تقف تكلم حد او هتريح كتير اوي يعني اكتر من دقيقتين او كدا بين كل تمرين و تمرين .. بص في التايمر و شوف فاضل قد ايه ده هيحمسك انك تدخل عالتمرين اللي جي و تسيبك من اي حاجه لاهيااك .
13 - خدلك يوم Free في الاسبوع : يعني لازم تاخد يوم او وجبه فري كل اسبوع كدا او كل اسبوعين عشان الفري دا بيخليك تزود الحرق في جسمك و بيساعدك على التخلص من البطء الشديد في الميتابوليزم الناتج عن اقلال الاكل .
14 - اضافه الكافيين للنظام الغذائي : الكافيين ليه تاثير كويس في حرق الدهون لانه بينشط عمليه جوا الجسم اسمها الــ Lipolysis او عمليه تكسير الدهون .. بالاضافه الى انه بيقوي العضلات و محفز لجهازك العصبي المركزي ... بس له تاثير في حرق الدهون .
ممكن تحصل على الكافيين بكميات كافيه من القهوة او من الشاي الاخضر
15 - كل تونه او سالمون مرتين او تلاته في الاسبوع : الفكره في كدا ان الماكولات ده تحتوي على الاوميجا 3 و هي الدهون المفيده اللي جسمك يحتاجها .
ـــــــــــــــــــــــــــــــــ
في النهايه .. يا ريت يكون الموضوع نال إعجابكم .
فإن اخطأت فمن نفسي و إن اصبت فهو من فضل الله سبحانه ...
وان شااء الله القاكم في الأجزاء الأخرى من الموضوع ,