خدعة Before and After وكثير من الدعايا الوهمية

السلام عليكم ورحمة الله وبركاته

كنت ومازلت غير مقتنع بالدعايا وبرامج الكارديو مثل p90X أنها وحدها تكفي لتحويل الجسم من حال الى حال زي ما هما بيقولوا في الدعايا بتاعتهم
بنشوف الدعايا ان واحد رفيع ومع البرنامج اصبح جسمه وااااو
او واحد تخين ومع البرنامج اصبح جسمه جسم مودل

بلاش ننخدع بسهولة
تحويل جسمك من حال الى حال بيتطلب تمرين بأوزان وكارديو وتغذيه واستمرار فترات تتناسب مع هدفك

برامج زي p90X ممكن انها تضيف لك لياقه كويسة او تساعدك في جانب الكارديو مش اكتر من كده
وبالنسبة للكارديو انا افضل ممارسة الجري او السباحة.

طيب ايه حكاية الدعايا اللي بتحصل ؟
ونلاقي واحد مصور نفسه وهو تخين وبعدين مصور نفسه وهو جسمه جامد اوي

90% من دعايا المنتجات المباعة بتكون مجرد خدعة
90% من خدمات برامج التدريب المدفوعة بتكون الداعايا بتاعتها غير حقيقة

الفكرة في صورة "قبل وبعد" انها بتحصل بالعكس
- يعني هو بيعمل الفورمة بتاعته بنسبة 80% مثلاً ويصور نفسه على ان دي النتيجة النهائية After

- وبعدين يبوظ البرنامج بتاعة لمدة يومين او تلاته بكميات اكل رهيبة وحاجات فيها صوديوم كتير عشان ترمي معاه ميه بسرعة ..
وبعدين يقف قدام الكاميرا وهو تاني ضهره ومرخي عضلات بطنه وجسمه فبالتالي هيبان انه تخين ودي تبقى صورة Before

صحيح مش كله بيعمل كده/
في ناس بتصور الصور بتاعتها بتواريخ الجرائد (يعني تلاقيه متصور وهو ماسك في ايده جرنال عشان يبان التاريخ)
وحتى حكاية الجرنال دي ممكن يتلعب فيها بالفوتوشوب بس ما علينا.

اللي عايز اقوله ان مش كل حاجه نشوفها نصدقها.

الفيديو ده بيتكلم عن خدعة Before and After وبيعمل مثال عملي ليها