الخميرة الجافة ....ارخص مكمل بروتين لا يقدره الكثيرون

السلام عليكم .....

انا هاكلمكم دلوقتي عن مصدر من اغني و ارخص المصادر الغنية بالبروتين و هي نوع من الفطريات تسمى الخميرة الجافة و ركزوا قوي على كلمة جافة دي ...
لان ببساطة الخميرة نوعين :
خميرة بيرة "brewer yeast" : و دي لونها محمر شوية و مفتكرش انها موجودة في مصر اصلا
خميرة الخبز"baker yeast": و دي اللي هنتكلم عنها دلوقتي ان شاء الله
سامعك ياللي بتقول اللي هي بنجيبها من الفرن هاقولك اه ده احد انواعها بس مش هي المطلوبة عشان كمال الاجسام
بص يا سيدي ...الخميرة اللي عندنا توعين :
خميرة مضغوطة : و دي فيها 70% ميه و بروتينها يدوب 8% بس ..يعني مش جايبة همها
Show Foods


و ادي صورتها عشان محدش يتخلبط
File:Compressed fresh yeast - 1.jpg - Wikipedia, the free encyclopedia


و دي اللي بنجيبها من اي فرن ب 25 ج الكيلو


طب و النوع التاني ...
النوع التاني عبارة عن خميرة جافة ...و بتبقى على شكل مسحوق و تشمل الخميرة الجافة العادية او الفورية و دي انا بجيب منها اكياس 450جم ب 12 ج ...يعني الكيلو واقف بحدود 27 ج بس !!..يعني نفس التمن تقريبا بس الفرق كبير جدا .


وادي صورتها عشان محدش يتلخبط
File:Dry yeast.jpg - Wikipedia, the free encyclopedia


نخش بقى في الموضوع
طبعا احنا عارفين قد ايه البروتين مهم في لعبتنا ...و عارفين ان من اهم مصادره اللحوم و البقول و الالبان و البيض ...بس الحاجات دي كلها باختصار لا تقارن بالخميرة ..ليييه !!


ببساطة ...لانك لو قارنت محتوى كل دول من البروتين بمحتوى الخميرة هتلاقي الفرق شاسع جدا


فلو جينا مثلا للبيض هتلاقيه 6 جم بروتين


اللبن 8 جم للكوباية


العيش من 8 الى 13 جم للرغيف


الفراخ بما فيها الصدور 22 جم " بعكس ما يعتقد البعض انها 30جم "


اللحمة في حدود ال 22 جم


الفول و العدس و السوداني في حدود 25 جم


الترمس و الصويا في حدود 36 جم لكل 100 جم
بس محتوى الترمس من الفيتواستروجين عالي نسبيا و الصويا عالي جدا


نيجي بقى لحبيبتنا الخميرة ....ايوة اللي هي الجافة دي بقى تحتوي على 40 جم بروتين ....ايوة يعني قد اللحمة و الفراخ مرتين !!


ده غير انك ممكن ببساطة تدوبها في ميه من غير سكر "عشان بتفرز ايثانول" و تحطها في ازازة و تاخدها معاك في مكان زيها زي اي مكمل بالضبط ....بس طبعا ارخص بكتيير ...ارخص حتى من المضروب


طب فين المصدر ؟!!! و لا انت بتهزي و خلاص ...هاقولك المعلومات جبتها من موقع وزارة الزراعة الامريكية الرسمي يعني مصدر موثوق بص كده عاللينك ده :
Show Foods


سامعك ياللي بتقول بس دي فيها فيتامينات زيادة عن اللزوم و ممكن تضرني


انا هقولك ببساطة اطمن .....لان الزيادة بس في النياسين "ب3" و الفوليك اسيد و دي كلها بتدوب في الميه ...و احنا كلاعبي كمال اجسام ضروري نشرب ميه كتير ..


بس النياسين لو كتير بيضر الكبد


مش تعرف الاول كتير قد ايه ؟! اقل واحد اتصاب في الكبد خد جرعة 750 مجم و الخميرة فيها 40مجم لكل 100 جم بس....يعني الحمد لله اطمن ...بص كده لو عايز يعني :
http://www.crnusa.org/safetypdfs/010...aminNiacin.pdf




طب و الفوليك اسيد ؟!
ببساطة خطر الفوليك اسيد انه ممكن يغطي على نقص ب 12 ...و دي تتحل بسهولة لان طبيعي اننا ناخد ملتي فيتامين عشان يغطي من الفيتامينات الناقصة في اكلنا ...
ده غير انه فيتامين بيدوب في الميه و احنا بنشرب ميه كتير..و الحد الاعلى منه 5000 مكجم و الخميرة فيها 2340مكجم بس !!
ده غير ان الكلام ده لا ينطبق على بولي جلوتاميل فولات اللي موجود في الاكل ...يعني ببساطة ...اطمن باذن الله مفيش مشاكل


ولو عايز تتطمن اكتر بمجرد انك تلاقي نفسك عندك غثيان و قيء او اسهال بطلها ...ده لو حصلت اساسا




الخلاصة باختصار ....ان الخميرة هي ارخص مكمل ممكن تشوفه في حياتك ....لو بتشرب كمية الميه اللازمة و مبتاخدش اكتر من 75 جم على مرة واحدة لان جسمك مش بيستفيد باكتر من 30 جم بروتين كل ساعتين لحد ماتهضم اكلك ...ان شاء الله مفيش مشاكل ...
انما باختصار هيبقى معاك مكمل هيوفرلك فلوسك و يديك احسن نتايج في الجيم ..باذن الله


يا رب يكون الموضوع افادكم