ازاى تحمى كلبك من السرقة وايه التدريبات والسلوكيات المتبعه لتجنب السرقة !!!!!

[size=32]السلام عليكم و رحمة الله و بركاتة[/size]


اذيكوا يا شباب اتمنى ان تكونوا بخير ندخل فى الموضوع على طول طبعا فى ناس كتير اوى منا بتعانى من سرقة الكلاب و ناس تقول ما لهاش حل وناس تقول ليها حل, و ناس بتقول فى طرق كتير يتم سرقة الكلب بيها و انا عن نفسى بقول لكل الناس سواء كانت مع راى سرقة الكلب ليها حل او مالهاش بقولهم الرائين صح طبعا الكل استغرب بس بجد والله الراين صح طيب عوزين تعرفوا ازاى تحموا كلبكوا من السرقة والتدريبات و السلوكيات الى لازم تتبعها على شان تحمى كلبك من السرقة اوكى يلا نبدا




اولا: لازم تعرف الكلب ممكن يتسرق ازاى و ماالوسائل المتبعه و من شخصية السارق و من الادوات المستخدمة فى السرقة

1.مخدر سواء كان اسبري او كان فى قطعه لحم.
2.شبكه او كلبشات زى ما عربية الكلب بتعمل.
3. دم نتاية حيضه او مادة بتفرز مع دم الحيض و هى مادة شفافه و تباع فى الصيدليات على هيئه امبولات.
4. ضرب الكلب بقسوة يسبب له فقدان فى الوعى (ودى قليل اوى).

نيجى بقى لشخصية السارق فهو شخص محترف فى التعامل مع الكلاب ذو شخصيه قوية وقيادية وله تجارب كتيرة فى هذا المجال وكتير منها نجح وكتير منها فشل و اذا بحثت فى جسمة سوف تلقى الكثر من العضات والجروح القديمة





طيب ادينا عرفنا كل شى الوسائل المتبعه و شخصية السارق والادوات المستخدمة طب ازاى نتفدى الكلام دى ونحمى كلابنا من السرقة




ثانيا: اية هو السلوك المتبع على شان نتفادى الكلام دى

1. نكون قريبن جدا من الكلب بمعنى اصح حب كلبك اوى لدرجة انه لما تبعد عنه يكاد يموت.
   
2. حول تفهم كلبك عاوز اية وازاى وامتى توصله المعلومة.
   
3. قبل ان تشترى كلب اعرف شخصيتة كويس اوى وايه المهام الى يقدر يقوم بيها بكفائة عالية جدا.
   
4. اعرف امتى كلب ممكن يقوم بالمهام الى هتديهاله على اكمل وجة يعنى ما تجبش جرو عمرة 5 شهور وتقول الكلب شكله مخيف و انا مدربه شراسة وهسيبوا يحمى البيت او الفيلا او المصنع الـــــخ.
   
5. يا ريت لما تدرب كلبك تودية لحد متخصص فى التدريب مش بمجرد انك تصفر للكلب يجيلك تقول خلاص انا مدرب عالمى (سيزير ميلان) و يجى يتسرق وتقول دى كان كلب خايب.
   
6. لازم تكون شخص قيادى للكلب ولا تسمح بان يكون الكلب هو القائد لائما ما تلمش الى نفسك بعد سرقتة.
   
7. ما تسبش الجرو فى مكانه لوحدة من غير ما تقفل علية وتقول الدنيا امان ومين دى الى هيتلع يسرق الكلب دى الكلب عمال يهوهو ويزوم دى يقطع الى يطلع.
   
8. معرفة كل نوع من النواع التدريب وما العمرو المناسب للكلب على شان يتدرب فيه .
   
9. يا ريت ما تسيب الكلب جعان فترات طويله او تنسى تديلة الاكل او المياه الطازجة وبالاخص اثناء خدمته (وقت الحراسة) او عند وجودة بمفردة.
   
10. يا ريت ما تاخر الكلب عن سن الجواز بتاعه لان دى بيدى فرصه للعامل النفسى بالهبوط ولو امكان انك تشترى كلبه وتجوزهاله وتحاول تدربها نفس التدريبات ويفضلوا مع بعض.
    

ادينا كدة عرفنا ازاى هنتصرف مع الكلب بتعنا ونتعامل معاه ازاى



ثالثا: نيجى بقى للتدريبات و العمر المناسب لكل تدريب





1.تدريب الطاعة الاساسية (المنزيليه) ودى بتكون فى سن 45 يوم الى شهرين.


2.تدريبات الطاعة الكامله من سن 3 اشهر الى 5 او 6 اشهر على حسب الاستعاب الكلب.




ملحوظة : لابد وان يتقن الكلب التدريبات جيدا جدا جدا لان لو شى ما اتقنة الكلب ودخلت فى تدريب اخر هيحصل خلل فى السلسله التدريبيه السليمه وبتالى هتتر تعيد من الاول ما هو فاهم ومتقن




3.تدريبات ازاى يعض ومن اى مكان وفى اى موقف يستخدم العض من اليد او من الرجل وامتا من اماكن حساسه للتعجيز .


4.تدريبات الحماية الشخصية وليست الشراسه من سن 7 شهور الى 9 اشهر.




ملحوظة : تدريبات الحماية الشخصية دى بيكون اول اختبار لشراسة الكلب وقوة شخصيتة وازاى هيعض ومان اى مكان ولو حد هيضربه هيخاف ولا هيعافر معاه وكل الكلام دى لان الكلب وهو مع صاحبة بيكون فى اقوى حالاته الشخصية



5.واخيرا وليس ماخرا تدريبات الشراسه الكامله.





ربعا: وبعد اجتياز كل هذه التدريبات بنجاح


نتقل للتدريبات للحماية من السرقة وهى

1. عدم الاكل من الغرباء حتى ولو كان صديق حميم لصحب الكلب.
   
2. الهوهوه المستمره عندما يرى اى شخص غريب ويبداء بتخاذ قرار بالهجوم.
   
   
3. عدم اقتراب اى شخص غريب منه حتى ولو كان صديق حميم لصحب الكلب.
   
   

وبكدة نكون انتهينى واعتقد الى هيعمل الى انا قولت عليه مفيش حرامى هيقدر يجى عنده ابدا لان بردو الحرامى مش غبي يروح عند كلب متدرب ومتاسس صح على شان هيكون هو الى خسران كـــــــــــتـــــــــــــــــــيـــــــر ا