ديناميكية عمل المنشطات داخل جسم الانسان

بص على حد من لاعبين كمال الاجسام اللي بيستخدموا المنشطات والهورمونات بغض النظر عن نوعها هنلاقي كلنا حاجة بتجمع بينهم مع اختلاف احجام عضلاتهم واشكالها وهو كيفية عمل الهورمونات داخل اجسامهم


بس مجرد معرفة ان استخدامها هيديك الطاقة والامكانيات غير كافية عشان تحول وتنحت جسمك عشان تبقى زي الموديلز اللي بتشوفهم على مجلات الفيتنيس او كمال الاجسام
ولازم تكون عارف ان المعرفة والالمام التام ببيولوجية عمل المواد دي داخل الجسم هتكون خطوة هامة جدا جدا لتحقيق الهدف من وراء استخدام هذه المواد والعقارات وتخليك توصل للاستخدام الامثل للمنشطات

المنشطات مثلها مثل جميع العقارات اللي بتدخل الجسم والتي تؤدي الى التلاعب بمستويات الكميائيات الموجودة داخل جسم الانسان واللي بينتجها بطبيعته
ولكن من طبيعة جسم الانسان انه دائما يميل الى الراحة ليوفر الطاقة ويخزنها الى وقت تقل فيه مصادر الطاقة الداخلة اليه ( ودي من رحمة ربنا بينا )
وفي حالة الهورمونات الكميائيات اللي بيتم التلاعب في طبيعتها هي الهورمونات اللي بينتجها الجسم ( التيستوستيرون )
وهو موضوع بحث انهاردة



وطبعا الهورمون ده موجود في الرجالة وفي الحريم برضه ولكن بالطبع مستواه في الرجال اكبر بكثير من نظيره في اجسام النساء وهو الهورمون المسئول عن خشونة صوت الرجل ونمو الشعر واكيد نمو العضلات

عند استخدام المنشطات بيتم عدة عمليات داخل جسم الانسان واللي بتوضح كيفية دورة المنشطات في الجسم ولكنها بتختلف مع اختلاف نوع المنشط هل هو محقون ام عن طريق الفم
وأول عمليه بتحصل بتسمي الامتصاص
بالنسبة للمنشطات الفموية فهي الجسم بيتعامل معاها بالظبط زي الغذاء بتنزل في المعدة ومنها على الامعاء الدقيقة
العصارات الموجودة داخل المعدة بتكسر الحبوب وبتفصل هورمون التيستوستيرون عن المواد الناقلة له داخل الحبوب ومنها بيتم نقل العقار للامعاء الدقيقة ومنها على الكبد قبل ما توصل مجرى الدم عشان تمر بعملية التطهير اللي كلنا عارفينها
اما عن الحقن فهي بتختصر المشوار الطويل اوي ده وتنقل المنشط على طول لمجرى الدم

اثناء عملية التوزيع والنقل واللي هي بداية عمل المنشطات , المقصود بالعملية دي هي دخول المنشط الى الدورة الدموية وبدأ توزيعه على اجزاء الجسم التستوستيرون بيمثل الحامل الكميائي لباقي الجسم
بمجرد وصول الهورمونات بتبدأ الرسالة بتاعتها ( وظيفتها يعني ) بترتبط بمستقبلات البروتين في الخلايا وهي الزناد اللي بيؤدي الى انتاج المزيد منها مما يجعل الجسم قادر على استقبال اضعاف مضعفة من البروتين
ومفيش داعي طبعا اوضح اهمية البروتين في انتاج الضخامة العضلية الصافية اللي الكل بيبحث عنها لأن اكيد كلنا عارفين اهمية البروتين وقطعنا الموضوع ده بحث قبل كده
اكيد حد هيسأل طب ايه الفرق ما الجسم اصلا بينتج تيست والعملية دي بتحصل تلقائيا مع انتاج التيست من الجسم بيسري في الدم ويوصل للعضل ويرتبط بمستقبلات البروتين و و و
اقولك فعلا لكن تخيل ان داخل جسمك بقى اضعاف كمية التيست اللي جسمك بينتجه 4 او 5 مرات مستقبلات البروتين في الخلايا هتتضاعف كام مرة ؟ وده بدوره هيؤدي للزيادة الملحوظة اللي بنشوفها لدى لاعبي كمال الاجسام المستخدمين للمنشطات ( يعني برده في الاخر الواي بروتين هو اللي هيعملك فورمة هههههههههههه )
يعني المعلم ورانا ورانا

في حين ان التيست بيبدأ دوره في الارتباط بمستقبلات البروتين في الجسم بيكون الجسم في تجهيز لعملية اخرى وهي التخلص من السموم المرتبطة بالمنشطات عن طريق عملية الايض اللي بتحصل داخل الكبد للتخلص من السميات دي
وكل ما زادت كمية الجرعات بتاعة الحبوب المنشطة اللي داخلة الجسم كل ما زاد نسبة السميات داخل الكبد وبالتالي يزيد نشاط الكبد لاعلى درجة للتخلص من السميات دي والعملية دي بتكون صعبة جدا جدا على الكبد وهي من اخطر الاثار الجانبية للمنشطات الفموية
المعلومة اللي قليل جدا من مستخدمين المنشطات يعرفها هي الآتي
بعد ما الكبد بيتعامل مع السموم دي ويفصلها عن المنشطات بيبدأ الجسم في اخراجها وده بيحصل عن طريق
البول
و الرئتين ( التنفس )
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 854x480 .

و الخلايا العرقية ( العرق يعني )
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1230x846 .


وده اللي بيوضح السبب في ارتباط استخدام المنشطات بظهور الدمامل والبثور على الجلد مع الجرعات الزيادة وعدم ظهورها مع الجرعات الصغيرة ويمكن عدم ظهورها اصلا حسب طبيعة الجسم ممكن يستخدم البول اكثر في التخلص من هذه السميات
وايضا ارتباط استخدام المنشطات بمشاكل التنفس بيكون بسبب تخلص الجسم من السميات عن طريق الرئتين

اتمنى اكون افدت ولو بحاجة بسيطة