متخليش حد يضحك عليك ؟؟؟ معلومات عن الواي بروتين

من طرف **Asmer** الجمعة مايو 02, 2014 7:32 am

متخليش حد يضحك عليك ؟؟؟
=================

معلومات عن الواي بروتين
معلومات عن الواي بروتين

الواى الجولد واخد شهرة فى مصر قويه جدا وبيتباع بشهرته
ليه محدش سأل نفسه هل ليه بدائل او ليه شبيه
احب اعرفكم دلوقت انا الجولد ليه بدائل كتيره اوى
اى نوع واى من اى شركه لصناعه المكملات هيكون قريب لمكونات الجولد مثال واى فيول - واى اليت - النيترو تك

احب اوضح شىء مهم فى صور بالمرفقات توضح مكونات الجولد
والمكونات المقصود بها ليس 24 جرام بروتين المعروفين انهم موجودين بالجولد ولكن توضح المكون الرئيسى لل 24 جرام الموجودين فيه وهم الواى بروتين كونسنترات - الواى بروتين ايزولات
ولو لاحظنا ان فى علامات على الجولد بالأحمر توضح المكونات بالأسفل وكذلك على الواى الفيول الى موجود فى المقارنه معاه فى المرفقات هنلاقى ان النوعين زى بعض تمام

طبعا السوال الى بيدور دلوقت فى عقول الجميع ليه هوه غالى ؟؟؟
دا موضوع تجارى بطريقة بحته والدليل ان اسعار الواى قريبا لبعضها جدا فى امريكا الفروقا بتكون 5 دولار بالكتير والفكرة ان التجار والمستورد بيستغلوا شهرة الواي جولد وان مبيعاته برة عاليه مع ان في مكملات مبيعاته عاليه زيه بس الواي جولد دايما بياخد اعلى مبيعات على موقع بدي بلدنج وده مش مقياس انه الافضل وبيغلوا سعره كل شوية على اللاعبين هو ومعظم منتجات شركة اوبتيمم ونا بجيب منتجات شركة اوبتيمم من برة والمنتجات سعرها زي ما هي بس للاسف التجار هنا اهم حاجة يكسبوا وبس .

اتمنى يكون الكل استفيد وعرف ان الجولد حاجه عادية زيه زى اى نوع واي بروتين وان فى بروتينات مشابهه له تمام