بتفكر تاخد منشطات ؟؟

[size=32]السلام عليكم ورحمه الله وبركاته
[/size]

بسم الله الرحمن الرحيم

في الموضوع مش هتكلم عن اضرار المنشطات لان تقريبا اصبجت معروفه للناس

انا هتكلم في الموضوع ده عن هوا ليه الواحد بيفكرفي المنشطات وبيفكر انو ياخدها ومنهم من ياخدها بالفعل !!

وما هي الطرق البديله او المنشطات الطبيعيه للهرمونات بجسمنا

ملحوظه

كلامي عن لاعيبين كمال الاجسام الهواة وليس المحترفين من يشاركون ببطولات

الناس دي بيبقي معاها دكاتره وحوارات وامكانيات كبيره الناس الي زينا مش قدها !

انا بتكلم عن الناس العاديين الي بيمارسو اللعبه كهوايه زيينا

بسم الله نبدأ

اولا الاسباب الي بتدفع لاعب كمال الاجسام اليالتفكير بالمنشطات (خصوصا المبتدئين)

1_الاستعجال

من اهم العوامل والاكثرها انتشارا بين اللاعبين خصوصا المبتديئين منهم

يبقي لسه الواحد مكملو شهر ولا حاجه ويقولك ايه ياعم القرف ده مفيش نتيجه لييييه !! 

طيب مش تهدي علي نفسك شويه يا حج دانت لسه بادء ومعاك فتره علشان جسمك يستجيب للتغير الجديد بعد فنره طويله من العمر في النشاط القليل

يعني بكلام ابسط شويه

يفترض انك بدات تلعب وانت عندك 20 سنه وانت جسمك في الوقت ده تخين وعندك دهون كتير وزياده في الوزن فشوف انت بقالك قد ايه عايش في النظام الغلط من الاكل وقله النشاط

فمش قادر تصبر سنة حتي لغايه ما توصل للجسمك الي انت عايزه!

لذلك الصبر والاراده من اهم وافضل المنشطات الطبيعيه

2_ الجهل


بردو الجهل من اخطر الاسباب اللي بتخلي اللاعب يفكر في المنشطات ومقصدي من الجهل هنا هوا الجهل بالمنشطات وكيفيه التعامل معها مثال بسيط علي كده هما المبتدئين الي لسه رايح الجيم بردو اول لما راح لقي اجسام غريبه
مبيشفهاش بره في العالم الطبيعي طبعا بيروح للكابتن المستغل بتاعه يقولي انت تضرب الحقنه دي وتاخد البرشام ده وانت هتبقي زي الدولاب في شهرين (الله ينتقم من كل كابتن زي كده)
ده مش تعميم طبعا علي كباتن الجيم ولكن في كباتن كتير محترمين جدا وبيبقو بيخافو علي اللعيبه الي عندهم زي ولادهملذلك قبل ما تاخد اي منشط او اي حاجه او حتي تفكر روح البيت وابحث بنفسك واعرف اذا كان ده كلامه صح ولا ده غلط ولا ايه بالظبط !
اعتقد ان الاستعجال وقله الخبره والجهل بالمكملات من اهم الاسباب الي بتدفع اللاعب الهاوي للتفكير في تعاطي المنشطات
نشوف بقي بدائل طبيعيه

طيب الهرمونات الي موجوده في جسمنا دي ملهاش طريقه تتحفز بيها غير المنشطات وكده ؟

لا طبعا في وفي كتير كمان ومفعولهم اينعم هيكون مش بنفس سرعه السترويد بس هيكون بنتيجه وصحه افضل ان شاء الله 

طيب زي ايه يا حج يعني ؟!

حاضر هقولكم 
انا بحثت وجمعت تقريبا كل الحاجات الطبيعيه الي بتزود الهرمونات البناءة الي في الجسم ( التيستسترون-النمو )
وبتقلل من الهدامه ( الكورتيزول )


2_التغذيه والاعشاب

الخس

البصل 
الزعتر
الجرجير
الجنزبيل
القرفه
النعناع 
الكرفس
الدهون غير المشبعه مثل السوداني
البعد عن فول الصويا ومنتجات الصويا عموما
التقليل من العدس والبقدونس والعرق سوس واليانسون والسمسم وزيت بذر الكتان او الزيت الحار
الثوم
البروكلي

2_المكملات

الجلوتامين 
الزنك
اليود
zma
فيتامين أ
انيمال ام ستاك




3_تمارين


كمان في تمارين بتقلل من افرازه وبتزود من افارز هرمون التست والنمو

الرفعه الميته
السباحه
الركض
وتمارين تمدد الضهر عموما



كمان في طريقه بتعلي من افراز الهرمونات الذكوريه

هي غسل منطقه العانه بزيت الورد وزيت الياسمين وزيت الصندل حيث ان هذه الزيوت تحتوي علي ماده الجلوكوسيدات في الماده العصيريه لها وهي تحفز الخصيه علي انتاج الهرمونات الذكوريه 




بالنسبه للتقليل من الهرمونات الهدامه الخطيره حدا بالنسبه للاعب كمال الاجسام واخطرها علي الاطلاق هوا الكورتيزول


الهرمون ده بيفرز عند حالات التعب الشديد وزياده افراز الهرمون ده ليه اضرار كبيره بالجسم لكن من اخطرها بالنسبه للاعب كمال الاجسام هي 
هشاشه العظام حتي تصبح قبله للكسر بسهوله لقدر الله
لانه بيقلل نسبه الكالسيوم من العظام

وهقولكم علي اهم عامل بيقلل من افرار الهمرون ده
والعامل اصلا باين من اسم الهرمون لان المصطلح العلمي للهرمون ده هوا هرمون الاجهاد لانه بيفرز عند الاجهاد كما ذكرت لذلك اهم عامل هيكون الراحه والنوم الكافي

اهم عامل هو الراحه والنوم الكافي والبعد عن التوتر والقلق لانه يفرز عند التعب والاجهاد وبالتالي زيادته تؤدي الي هدم وتقليل افراز هرمون التيستسترون (تغذيه راجعه سلبيه)




في الاخر احب اقول مره تانيه ان في ناس كتير وبتاخد منشطات وعايشه ومستواها حلو في اللعبه 

لكن
اذا كانو لاعيبه محترفين فدول بيبقي معاهم طقم دكاتره كامل للموضوع ده بس 
زي المصارعين مثلا

وحتي لو في لاعيبه عادي بتاخدها انا عندي قناعه ضخصيه ان مستحيل جسمه ميتضررش حتي لو علي المدي البعيد

لان الله سبحانه وتعالي خلق جسمنا بتنظيم ودقه عاليه 
ونسب الهرمونات الطبيعيه في جسمنا بتبقي مظبوطه بالمللي واي زياده غير طبيعيه في هرمون عن تاني بتأدي لحاجه ذكرتها في هرمون الكورتيزول اسمها تغذيه راجعه سلبيه وتغذيه راجعه ايجابيه 
ومعناهم باختصار بسيط جدا هوا زياده اي هرمون عن معدله الطبيعي بيؤدي لخلل في نسبه باقي الهرمونات كلها !!!

(الكلام ده كان موضع دراستي في الاحياء السنه دي )


ياريت اكون قربتلكو الفكره شويه

وفي الاخر احب اقول ان والله ربنا عطينا منشطات طبيعيه كتيييير جدا 
ومواقف كتير جدا بتحصل في حياتنا تدايقنا وهي خير لينا وممكن نحولها لطاقه ايجابيه وده هيكون من اقوي المنشطات الي في الدنيا (عن تجربه)


والصبر والاراده والتغذيه الي ذكرتها والتمارين وطاعه ربنا وقربك ليه كل دي ممكن تستخدمها كمنشطات




وبردو ارجع واقول انا عندي قناعه شخصيه عن الشخص العادي الي بيلعب اللعبه كهوايه زينا ( مش اكل عيش)

وبياخد منشطات بحس انو ضعيف وغير قادر علي الوصول لهدفه من غير تلك الادويه


وخليكو دايما فاكرين ان الواحد لااااازم يتعب علشان يوصل لهدفه ويحس بمتعه النجاح الي هيخليه ميرجعش للخلف تاني باذن الله

What Easy come,easy go


يارب يكون الموضوع افاد ولو واحد بس وربنا يجزيني عنه خير


[size=32]...تم بحمد الله...[/size]

[size=32]Gym is Not A Game[/size]

[size=32]its A Lifestyle[/size]

الحمد لله علي نعمه الإراده

"الصبر مفتاح الفرج" قصه تحويل جسمي بالصور transformation 2;-

ازاي تحترف كمال الاجسام

بتفكر في المنشطات ؟!

ازاي تكون كورس لنفسك !