ازاي تحترف كمال الاجسام

السلام عليكم

انهارده هتكلم معاكم شويه في كيفيه احتراف كمال الاجسام او ازاي تبقي علي درايه وعلم بيها علشان تقدر توصل للي انت عايزه

بسم الله نبدأ



1 : اضع هدف لنفسك





لازم قبل ما تبدأ في ممارسه اللعبه دي تضع هدف لنفسك


يعني ايه ؟!


يعني انت عايز ايه من اللعبه دي ايه الفورمه الي عايز توصلها او ايه الهدف من ممارستها

الهدف ده هيبقي قدامك بحيث انك تفضل دايما بتحاول لغايه ما توصله علشان لما تبدأ تبقي عارف انت بتعمل ايه وانت عايز ايه علشان متوهش بعد كده


2 : القراءه والتثقف



من اكبر الغلطات الشائعه الي ممكن تحصل انك تبتدي في اللعبه دي من غير ما تقرى وتعرف عنها لانك بعد ما بتبدأ وتمارس اشياء خطأ بترجع تسأل وتستفسر وتقرى بعد ما بيكون ضاع منك وقت وممكن لقدر الله تكون عملت حاجه مش عارف عنها معلومات كافيه زي المنشطات مثلا
او اداء تمارين بطريقه غير صحيحه بتأثر بالسلب في بدايه مشوارك
او انك تتوه نتيجه سماعك كلام مختلف من كل شخص ومبتعرفش مين هو الصح ومين الغلط

الحل انكلازم تقرى ولمده كافيه كمان بحيث انك تكون قدرت تجمع معلومات ولو بسيطه قبل ممارستك لللعبه




3 : حدد مستواك



لازم تبقي عارف انت ايه قدرك ومستواك في اللعبه دي وتبقي عارف ان علشان توصل لهدفك

بمعني
انك لما بتكون لسه داخل المجال ده تبقي عارف انك كده مبتدأ لسه وان المرحله دي ليها خطوات وصفات تختلف فيها عن مرحله المتقدمين او الخبراء
يعني لم تكون مبتدأ تهتم بالمرحله دي بس ومتشغلش نفسك بالي حواليك اذا كانو متقدمين او خبراء حتي تخرج من المرحله دي الي هى من وجهة نظري اهم مرحله باقل الخسائر حتي يمكنك وقتها التطور بنفسك للمرحله التي تليها وهكذا


وكذلك المتقدمين يجب عليهم ان يحدد مستواه ويمارس خطواته بحكمه بحيث انو يبقي عارف ان حاليا في مرحله متقدمه وجسمه محتاج شغل وتدريبات وغذاء يختلف فيها عن المرحله الاولي حتي يتمكن من زياده مستواه وان لا يحمل نفسه فوق طاقتها لانه لم يصل بعد لمرحله الخبير


4 : الصبر والاراده

الصبر مفتاح الفرج

الجمله دي سمعهتوها كتير مني انا عارف ههههههه
بس دهلقوه معناها ومحتواها الي ممكن يغفل عنه الكثيرين

الاراده والصبر من اهم العوامل في الوصول الي الاحتراف ان لم يكونا اهمهم

لازم تبقي عارف وانت بتمارس اللعبه دي انك هتتعب وهتتعب كتيييير خصوصا في الاول لانك هتبقي بطبق حمل ومجهود عالي وبشكل مفاجئ علي عضلاتك

مثال بسيط

لو مثلا فيه باب حديد وبقاله فتره ومصدي كده وحالته بالبلا ههههههه هتيجي تحاول تفتحه او تحركه هتلاقيه صعب وبيزيئ وبيعمل صوت لكن مع الاستمرار هتلاقيه بقي اكثر ليونه كذلك العضلات
فهتتعب في الاول وهتزهق لانك مش هتلاقي نتيجه لكن لااااازم تصبر علي هدفك ويبقي عندك اراده لان هي الي هتساعدك وتدفعك وهتبقي هي المنشط الطبيعي بتاعك الي هشوصلك لهدفك ان شاء الله

محدش اتولد جسمه حلو او اتولد فيتنس او خبير كله الابطال الي شفناهم وشايفينهم تعبوا كتييير وصبروا كتيييير حتي حققو هدفهم

No Pain..No Gain

5 : الاستمرار



استمر ومتقفش عند حد معين النجاح عمر ما كان ليه نهايه
عاوز بس افكركوا بالمثل الي كتبناه فوق
يفترض انك حركت الباب شويه وكان صعب معاك لغايه ما بقي لين وجيت سبته فتره طويله تانيه هترجع هتلاقيه صعب الحركه زي الاول

يبقي لازم تستمر

كمال الاجسام مش بس لعبه بتستخدمها لغايه ما توصل لحد معين
دي اسلوب حيااه
ولازم تبقي فاهم كده كويس


اخر حاجه لازم تخلص نيتك لله في انك بتعمل بحديث الرسول صلي الله عليه وسلم " المؤمن القوي خير واحب الي الله من المؤمن الضعيف"
وان شاء الله تاخد علي كده ثواب كمان

ياريت بردو تستمر في المطالعه دايما ومعرفه ناس جديده والي يحتاج مساعده ساعده لوجه الله


في الاخر احب اقولكو يارب يفيدكو الموضوع واكون وصلت المعلومه
والي ينفذ الخطوات دي هيوصل لهدفه لان دي خطوات الاحتراف وخطوات النجاح


بالتوفيق