المتواجدون الآن ؟
ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 212 بتاريخ الثلاثاء أغسطس 20, 2019 10:41 pm
المواضيع الأخيرة
» كمال الأجسام شاهد رد فعل الفتيات عند رؤية العضلات فيديو
تجربتي مع الجيم سنتين I_icon_minitimeالثلاثاء أغسطس 20, 2019 1:45 pm من طرف Asmer

»  فيسبوك يطوّر "خاصية السلامة"
تجربتي مع الجيم سنتين I_icon_minitimeالثلاثاء أغسطس 29, 2017 3:28 pm من طرف وردة العاصمة

» محفزات هرمون التستيرون الطبيعيه
تجربتي مع الجيم سنتين I_icon_minitimeالأربعاء يونيو 14, 2017 11:47 pm من طرف Asmer

» معلومات مهمة عن عضلة السمانة لو سمانتك مش راضيه تكبر
تجربتي مع الجيم سنتين I_icon_minitimeالسبت يونيو 03, 2017 11:55 pm من طرف Asmer

» عاجل .. الوضع الآن من أمام البرج المائل بمنطقة الأزاريطة بالاسكندرية
تجربتي مع الجيم سنتين I_icon_minitimeالخميس يونيو 01, 2017 2:40 pm من طرف Asmer


تجربتي مع الجيم سنتين

اذهب الى الأسفل

تجربتي مع الجيم سنتين Empty تجربتي مع الجيم سنتين

مُساهمة من طرف Asmer الخميس نوفمبر 27, 2014 7:07 pm

حبيت انزل تجربتي يمكن افيد بيها غيري وهيا مش كامله ومش هتكمل ابدا لأنها بأزن الله مستمره
 ويارب اكون أد الكلام دا
تجربتي مع الجيم سنتين 34536210

الأسم : محمد محمود و الناس كلها عارفاني بأسم اسمر
 نادرا لما حد بيقولي يا محمد 
السن:17 سنه
  بدأت اروح الجيم وانا عندي 15 سنه
 كنت طبعا رفيع جدا بس مكنش في كرش اصراحه  Laughing
شكل جسمي كان كدا
تجربتي مع الجيم سنتين Pictur10
 بس دا مكانش السبب اني اروح الجيم
 عادي كنت بارد ومكانتش فارقه كتير كدا كدا الهدوم ساتره ناس كتير
انا اللي حببني ف الجيم شكل الجسم وتقسيمته كان بيعجبني الجسم الفتنس جدا
  كنت شايف ان الجسم دا عباره عن لوحه جميله بس محتاجه مجهود وتعب عشان تعرف تظهرها
 ف قررت اني اظهر اللوحه الجميله دي بأي طريقه واغير جسمي
 طبعا بعد اول شهر ف الجيم مشوفتش اي فرق وكسلت
  عشان كالمعتاد بيبقي معاك كام واحد من اصحابك  وكلهم بيكسلو ومبيروحوش تاني
 ف أنا برضو عملت زيهم وكسلت وقعدت ف بيتنا شهر
  وبعدين قررت ارجع لعبت المره دي شهرين بدأت اشوف فرق ف جسمي
 بس سيبت الجيم عشان ظروف حصلتلي  المهم اول سنه دي انا كنت بسيب الجيم وارجعله
  مره عشان مش لاقي حد يتمرن معايا ومره عشان زهقت  ومره عشان كنت بشوف حاجات ضخمه ف الجيم
وطبعا دا كان بيحبطني جدا ههههه مكنتش بحقد عليهم علي فكره
 بس السنه دي عدت ولقيت نفسي بالمنظر دا

تجربتي مع الجيم سنتين 310

 طبعا ساعتها مكنش الجسم اللي انا عايزو بس فرحت لقيت في نتيجه
رغم اني مش منتظم ولا ف اكل ولا ف شرب ولا ف نوم ولا حتا تمرين لأني كنت بريح كتير زي مقولتلكم
 غالبا مكنتش بحب اخد تماريني من حد كنت عارف كل جهاز بتاع ايه وبعمل تمرينتي بنفسي
  عشان مره مشيت ورا كلام كابتن قالي ايه هتلعب النهردا 12 تمررينه بنج قلتلو 12 قالي اه
 المهم مشيت ورا كلامه اسبوعين وبقيت ابهدل ف جسمي لقيته بعديها جايب كياس فيها باودر وبيقوولي يلا عشان تاخد من دا هيعمل وهيعمل ومش عارف ايه قلتلووو لا شكراااا ربنا يخليك وسبت الجيم وركنت ف البيت
 ف مبقيتش امشي ورا كلام كباتن غير لما الاقي الكابتن بيراعي ربنا  طبعا انا غيرت الجيم كزاااا
 مره و شوفت كباتن كتير اووي  قررت اخد تماريني كلها من عالنت  وقريت كتييير اوووي ف الفتره دي
 ف كزا مكان وطبعا استفدت كتيير جدا من جيم مصر ومواقع تانيه برضو
 وابتديت بقي وعرفت ان اهم حاجه  الاكل  التمرين الراحه
 وعرفت ان التلاته دول هما اللي هيظبطولي جسمي ورجعلي طبعا الحماس من تاااني
 ونزلت الجيم  بقيت اكل 4 وجبات واحيانا 3  وبقيت انام بدري واتمرن كويس قعدت تقريبا شهرين وبرضو زهقت ههههه
 بزهق كتير انا  بس وصلت للنتيجه دي

تجربتي مع الجيم سنتين Euoo10

 بعد شهرين معجبنيش الكلام دا ساعتها  لأني كنت فاكر اني هبقي لازار بعد الشهرين دول
 ريحت شهر ورجعت انتظمت شهرين تاني بس المرا دي  كان معاي 500 جنيه بالظبط
  نزلت بقي اشتريت بيها 30 علبة تونه وصدور وشوفان والكلام دا  اللي كنت بقراه من عالنت
عن التغزيه وكدا  استمريت برضو و خليت معاي ال 3 حاجات اللي كانو واكلين كل دماغي
 الاكل والنوم والتمرين  بعد كدا وصلت لنتيجه عجبتني جدا في شهرين
 
تجربتي مع الجيم سنتين Euooo10

وبرضو سبت الجيم عشان الامتحانات والملاحق والبلاوي الزرقه اللي كنت فيها الملاحق هااا خدتو بالكو هع
  بس المره دي سبته 4 شهور بحالهوم كنت كدا بعدهم

تجربتي مع الجيم سنتين 16048110

وقررت ارجع من شهر ونص بس المره دي بأزن الله اخر مره هسيب فيها الجيم


 ف الشهر ونص دول جبت المرادي
 خلينا نحسبها كدا 30 علبة تونه 10 كراتين بيض 30 صدر (فراخ مش حاجه تانيه منك ليه p: ) 6 علب شوفان 10 او 15 كيس رز دا غير الجبنه واللبن والفاكهه والخضار والكشري طبعا علبتين كل يوم و 150 جنيه اشتراك جيم  وجبت فوق الكلام دا بروتين ودي اول مره استخدمه ف حياتي  لسه مستخدمه من اسبوع بالظبط يعني خرااااب بيوت اتخرب بيت اهلي من الاخر هههه

تجربتي مع الجيم سنتين 10612510

   تعال نشوف ف الشهر دا عملت ايه  

Day_one

تجربتي مع الجيم سنتين 10622110

week_1

تجربتي مع الجيم سنتين 10599211

week_2


تجربتي مع الجيم سنتين 12251_10

week_3

تجربتي مع الجيم سنتين <a href=تجربتي مع الجيم سنتين Index10" />

week_4
تجربتي مع الجيم سنتين 10636120_723076594414857_1979709553559488617_n
week_5
تجربتي مع الجيم سنتين 10342883_723075591081624_6221985388052537172_n
week_6

تجربتي مع الجيم سنتين 1546285_726260104096506_7548608165056750080_n

دا كان اخر حاجه وصلتلها
انا لما كنت بسيب التمرين
كنت بلتزم بالحاجتين التانيين
الاكل
والنوم
والتمرين برضو
ازاي بقي
بلعب ضغط وبطن ف البيت
ف دا كان بيساعدني حتا لما اسيب الجيم

ونفسي اوووي تبقي الموضه
اليومين دول مبين الشباب هيا الجيم

بدال الحاجات التانيه اللي خاربه الشباب
اترميت ف سكتها
والحمد لله ربنا بعدني عنها
ونفسي برضو
كل واحد فينا يحاول يظهر اللوحه بتاعته
اللي ربنا ادهالنا ونشيل من عليها الدهون والكسل
والحجج الفاضيه اللي مالهاش لازمه
وننسي الحجج بتاعت اصلي بزهق
اصل مش لاقي حد يتمرن معايا
الكلام اللي ملوش اي لازمه واللي هتنساه
لو حطيت لنفسك هدف
وشكرا لموقع جيم مصر عشان خلاني اعرف انزل تجربتي وافيد بيها غيري

لو عجبتك التجربه مش عايز غير رد واحد عالموضوع
دا هيساعدني اووي اني اكمل وشكرا


Asmer
Asmer
..::مؤسس الموقع:::.
..::مؤسس الموقع:::.


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى