ليه تمرينك قبل الفطار مش هيخسرك عضلات زي ما الناس بتقولك

في فيديو امبارح وضحنا بالعلم وبالدراسات و #من_غير_فتي الفيديو
.. ليه تمرينك قبل الفطار مش هيخسرك عضلات زي ما الناس بتقولك ..
وانك ممكن تحافظ وتزود من كتلتك العضلية عادي جدا بالتمرين قبل الفطار ..
لو مشفتش الفيديو ممكن تشوفه من هنا http://adf.ly/1mkoDD

طيب هل معني ده ان كل الناس الاحسن ليها انها تتمرن قبل الفطار ؟
اكيد لأ برضه .. ده معناه بس ان لو الاحسن ليك انك تتمرن قبل الفطار ..

متسمعش لفكرة ان التمرين قبل الفطار ده هيخسرك عضلات .. صحيح فيه ابحاث بتدي ايجابيات طفيفة للتمرين قبل الفطار ..

لكن متحطش ده شرط لنفسك لو تقدر تتمرن بعد الفطار ..

 طيب مين مفروض ميتمرنش قبل الفطار ؟
المبتدئين : الناس اللي لسة في الاول وقررت انها تبدأ بداية صحية ورياضية جديدة في رمضان .. مينفعش لو انت معندكش خبرة في التمرين من اساسه انك تبدأ تتمرن اول مرة في حياتك قبل الفطار .. والكلام ده بينطبق برضه على الناس اللي موقفة تمرين بقالها فترة كبيرة وقررت ترجع للتمرين مع بداية رمضان
المرهقين : دول الناس اللي نهارهم في رمضان بيبقى مُرْهِق فوق العادةاللي بيفقدوا جزء كبير من المياه من العرق في الحر .. زي مهندسين مدني مثلا اللي بيقفوا في المواقع .. او الناس اللي جزء كبير من حياتهم اليومية في الشمس او في المواصلات والشارع .. بيمشوا كتير وبيتحركوا كتير طول اليوم في النهار من بدري وشغلهم شاق مش من مكتب مكيف .. دول بلاش يتمرنوا قبل التمرين عشان الارهاق والكرامبات اللي بتحصل بسبب فقدان المياه طول اليوم
المدمنين : دول اللي متعودين ياخدوا اتنين سكوب بري_ورك_اوت قبل التمرين .. كافيين و بيتا الانين و ارجنيين وليلة كبيرة سعادتك [دول بلاش يروحوا قبل الفطار يناموا في الجيم .. يستحسن يتمرنوا بعد الفطار بساعتين تلاتة ويقللوا جرعات ال عشان يعرفوا يناموا كويس ..