سلسلة مكملات غذائية يمكن الاستغناء عنها

من طرف **Asmer** الإثنين مايو 29, 2017 12:28 pm

النهاردة هتكلم معاكم عن اول حاجة من سلسلة مكملات غذائية ملهاش لازمه

واول مكمل هتكلم عنه النهاردة هو الجلوتامين , و الجلوتامين من المكملات اللي خدت شهرة كبيرة في عالم كمال الاجسام

طيب في البداية عايزين نعرف ايه هو الجلوتامين

الجلوتامين هو حمض امينى Amino Acid , و الاحماض الامينية تنقسم الى مجموعتين الاحماض الامينية الضرورية او الاساسية Essential Amino Acids وهي Bcaa وهي احماض لا يستطيع الجسم تخليقها بداخله . و لابد من الحصول عليها من مصدر غذائى خارجى يعني جسمك مش بينتجها وبياخدها من الاكل , و الاحماض الامينية الغير ضرورية Non Essential Amino Acids هى الاحماض الامينية الذى يستطيع الجسم تخليقها ومنهم الجلوتامين

و الجلوتامين بيصنف بين المجموعتين دول .فهو يعتبر حمض امينى ضرورى فى بعض الحالات.او ما يسمى Conditionally Essential , يعني لو جسمك طبيعي فهو يعتبر غير اساسي وفيه ناس عندهم مشاكل في تخليق الجلوتامين فبياخده من مصدر خارجي , يعني هو Essential لناس ولا ناس لأ واغلبية الناس معندهمش مشكلة في تخليق الجلوتامين

وظائف الجلوتامين :

-تصنيع و تخليق البروتين بالجسم

– مصدر طاقة للخلايا , بعد الجلوكوز.

طيب ليه الجلوتامين يعتبر مكمل ملهوش لازمة طالما نظام التغذية بتاعك سليم

- كل 10% من البروتين اللي بتاخده في اليوم كله جواه جلوتامين , يعني لو بتاخد 200 جرام بروتين في اليوم كل يوم فانت بتاخد 20 جرام يوميا من الجلوتامين وانت مش عارف في حين ان السكوب الواحد اللي بتدفع فيه اكتر من خمسمائة جنية فيه 5 جرام

- الجلوتامين اكثر الاحماض الامينية تواجدا داخل جسم الانسان. و جسمك بيعرف ينتجه بكثافة و درجة عالية جدا ومش محتاج انك تاخده من بره سواء في رمضان او غيره يعني الجلوتامين اكتر حمض اميني موجود في جسمك

- هناك دراساة اجريت على لاعبى كمال الاجسام اثبتت عدم جدوى الجلوتامين فى زيادة القوة فى التمارين

- فيه عدة دراسات اتعملت علي قدرة الجلوتامين علي تخليق البروتين ولقوا ان مفيش اي فرق ملحوظ نهائي بين الجلوتامين او عدمه

مصادر :

http://seannal.com/a…/supplementation/glutamine-benefits.php

http://seannal.com/…/5-popular-bodybuilding-supplements-avo…

https://www.bodybuilding.com/fun/vinced8.htm