هتتقطع يعنى هتتقطع .... الجزء التانى

بسم الله الرحمن الرحيم


اظن متاخرتش عليكوا فالجزء التانى
اتمنى يكون الجزء الاول وصلكم والى عاوز يستفسر عن اى شئ فيه يقول والى عاوز دلائل على صحة الكلام يقول

المكملااااااااااااااااااااااات

من غير رغى وكلام كتير انا هقول العناصر الى محتاجنها خلال فترة التنشيف وزى ما قلنا شعارنا ديما ( ما لا تاخذه كله لا تتركه كله ) يعنى قدرت تجبهم كلهم يبقى عاش مقدرتش هات على اد ما تقدر


1- البروتين : اهم عنصر معانا وهنبعد عن فكرة انك تاخد واى لوحده ...من الناهرده خدها قاعده مفيش حاجه اسمها واى بروتين لوحده لان الدراسات الحديثه اثبتت ان الواى بروتين لو اتاخد مع الكازين بيضاعف النتايج ...طيب يعنى اعمل ايه ؟؟؟ يبقى اشترى ديما بروتين ميكسد واى على كازين


الانواع المستحبه :
سينثا 6 - كومبات بودر - بروكمبلكس العادى


الاستخدام : هنجيب الشيكر ونحط فيه 2 ل 3 سكوب ...قبل التمرين اخد تلتهم ...خلال التمرين التلت التانى ...بعد التمرين التلت الاخير
ليه يا كوتش اعمل كده ؟؟؟
علشان تضمن تغذية العضلات طول فترة التمرين وتستفيد من ال bcaa الى موجود والجلوتامين ودى عناصر بتحافظ على العضله وتبنيها خلال التمرين


2-bcaa : سيبك بقى من جو الامينو والكلام ده خش على المفيد فالامينو وهو bcaa اهم احماض امينيه وهى اساس تكوين العضله لو عرفت تجبعا تضمن انك تحافظ على عضلتك ففترة التنشيف


الانواع :
اكستند - aminoX


الاستخدام : 5 جرام قبل التمرين و5 جرام بعد التمرين ...مقدرتش تجيبه لا يكلف الله نفسا الا وسعها سيبك منه خالص


3-منتجات الحرق :
-CLA : عنصر مهم بيحافظ على العضلات وبيزود حرق الدهون بشكل كبير جدا
الاستخدام : 2 جرام مع العشا و2 جرام قبل النوم
-L-CARNITINE : عنصر مهم برده عيبه انه غالى شويه قدرت تجيبه يبقى تمام ده وظيفته ياخد الدهون الى فجسمك يحولها لطاقه يستخدمها فالتمرين وبكده يبقى بنوجه الجسم انه يحرق من الدهون مش من العضل
الاستخدام : 1 او 2 جرام اول ما تصحى ...1 او 2 جرام قبل التمرين ... 1 او 2 جرام بعد التمرين
-FISH OIL : زيت السمك او الاوميجا ثرى دهون صحيه مفيده جدا فحرق الدهون وتحسين الادء العام للجسم


4- منتجات مش لازم تجيبها : الكافين والشاى الاخضر قدرت تجبهم ماشى مقدرتش يبقى اشرب قهوه وشاى اخضر 3 مرات فاليوم مثلا


5-الكرياتين : فى نوعين من الكرياتين مونهندريت و HCL .... عن نفسى بفضل ال HCL
الاستخدام : جرام ونص قبل التمرين لو HCL وجرام ونص بعد التمرين
5 جرام قبل التمرين لو مونهندريت و5 جرام بعد التمرين
الانواع
CONCRET


6- ملتى فايتمن : وده مهم هات اى فيتامينات حتى لو من الصيدليه
الانواع :
طبعا الوحش انيمال بااااااااك




ملحوظه : متجبش حارق دهون بالمكونات بتاعت حرق الدهون الى كتبتها مع الشاى الاخضر والكافين تبقى عملت لنفسك اقوى حارق دهون فالتاريخ


ملحوظه تانى : مش لازم تجيب كل ده مش لازم تاخد 3 سكوبات بروتين ..الى كاتبه انا هو المثالى ..احنا نحاول نجيب الى نقدر عليه واهميتهم بالترتيب


1- البروتين 2- ملتى فايتمن 3-حوارق الدهون 4- BCAA
5- الكرياتين





ملحوظه اخيره : اى حد عاوز يسال او يشوف دلائل او غير مقتنع انا موجود