هتتقطع يعنى هتتقطع .... الجزء التالت

بسم الله الرحمن الرحيم


اولا اسف عالتاخير بس حسيت ان الموضوع مش مهم للناس فكسلت شويه لكن حتى لو فى شخص واحد محتاج المعلومه لازم اديهاله

الكارديوووووو

بص يا وحش هتنزل تشترى شورت وتى شيرت وتحط الهاند فرى ف ودنك وتنزل تجرى كل يوم ساعه ولا حاجه علشان تنشف وتبقى متقطع


طبعا كل الكلام الى مكتوب فالجمله الى فاتت هجص ف هجص وكلام كلاسيكى جدا واتلغى من ايام ارنولد يا جدعان ..لازم نطور نفسنا ونمشى مع العلم الحديث


طيب ايه يا كوتش الجديد فطمنى؟؟؟
الجديد نظامين كارديو الذ من بعض ولمدة 20 دقيقه بس كل تمرينه وبيبقوا كمان وسط التمرين بتاعك وهيحرقوا اكتر من الجرى العادى ده بكتيييييييييييييييير اوى


النظام الاول :
بمنتهى البساطه نفترض ان عندك تمرينة بنش وتراى وهتلعب الاتى
1-بار مستوى 4 مجموعات
2-دمبل عالى 3 مجموعات
3-رفرفه بالدمبل عالى 3 مجموعات
4-دمبل منحدر 3 مجموعات
5-سحب بالكابل بكره عاليه 3 مجموعات
6-مد التراى بالزجزاج 3 مجموعات
7-سحب بالحبل تراى 3 مجموعات
8-تراى بالمدبل فرنساوى 3 مجموعات


ده مثال مثلا لتمرينة بنش وتراى ازاى بقى ادخل الكارديو سط التمرين ؟؟؟
هتلعب مجموعة بار مستوى وبعد كده تلعب دقيقه كارديو وعلى طول تقوم داخل المجموعه التانيه وبعدها دقيقه كارديو والتالت وبعدها دقيقه كارديو وهكزا
يعنى بين كل مجموعه والتانيه هتعمل دقيقه كارديو طول التمرينه وبكده هتكون عملت كارديو حوالى من 20 ل 30 دقيقه وسط التمرين


طب ايه نوع الكارديو الى هلعبه ؟؟؟
الانواع كتييييييير اوى هنختار منهم حوالى 7 مثلا هكتبهم ناو دول تشكل بينهم فالتمرينه بتاعتك
1- جرى فالمكان ( تجرى باقصى سرعه عندك لمدة دقيقه حتى لو المسافه صغيره تجرى رايح جاى لمدة دقيقه )
2- نط الحبل
3- step up knee
(Step-up with Knee Raise Exercise Guide and Video)
4-jump squat
(Freehand Jump Squat Exercise Guide and Video)
5-mountain climbers
(Mountain Climbers Exercise Guide and Video)
6-dumbbell lunges
(Dumbbell Lunges Exercise Guide and Video)
7-dumbbell step ups
(Dumbbell Step Ups Exercise Guide and Video)


دول سبع تمارين ممكن نستخدمهم ف عمل الكارديو وسط التمرينه بتاعتى




2-النظام التانى من الكارديو
نفترض مثلا انى هلعب بنش وتراى وبطن
هاجى بعد ما اخلص تمرينة البنش بتاعتى كلها وقبل ما ادخل ف تمرينة التراى العب كارديو ازااااى ؟؟؟
هلعب ضغط لمدة 20 ثانيه واريح 10 ثوانى واكرر الموضوع ده 8 مرات
دفعة ضغط 20 ثانيه بعدها راحه 10 ثوانى بعدها ضغط 20 ثانيه وبعدها راحه 10 ثوانى وهكزا ولما اخلص 8 مرات ادخل بقى العب تراى ....طيب وبعدين ... بعد ما اخلص التراى بتاعتى اقوم داخل تمرينة كارديو من السبع تمارين الى كاتبها فوق 20 ثانيه واريح 10 ثوانى واكرر ده 8 مرات وبعد كده ادخل بطن وبعد البطن ادخل تمرين من الكارديو الى كاتبنهم فوق 20 ثانيه واريح 10 ثوانى وهكزا لمدة 8 مرات


وده الى هعمله ف اى تمرينه هدخلها .... بعد ما اخلص بنش مثلا ادخل كارديو 8 مجاميع 20 ثانيه و10 راحه وبعد ما اخلص تراى وبعد ما اخلص بطن ....ولو هدخل مثلا دهر وباى وبطن هعمل نفس الكلام ....ولو هدخل كتف وترابيس وسمانه نفس الكلام ...ولو هدخل رجل وسمانه نفس الكلام ....بين كل مجموعه عضليه والى بعدها هدخل كارديو 20 ثانيه و10 راحه لمدة 8 مرات


بس كده دول نظامين الكارديو بتوعنا مميزاتهم :
1- مفيش ملل
2- بيحرقوا اكتر بكتير من الكارديو العادى
3- مش هتحس بيهم لانهم وسط تمرينتك


ملحوظه : اختار اى تمرينة كارديو تعجبك ولو عاوز تكرر واحده بس براحتك المهم انك تلعب اى حاجه كارديو يعنى لو عاوز تخليها نط حبل بس ماشى او جرى بس ماشى او تعمل ميكس بينهم ماشى


ملحوظه تانى : الكلام ده كلام علمى مش افتكاسه والى عاوز اى دلائل يسالنى


الى اللقاء فالجزء الرابع