وجبات حرفوش الصحية

من طرف Mony khaled الثلاثاء يونيو 17, 2014 5:58 am

بسم الله الرحمن الرحيم
والصلاة والسلام على أشرف المرسلين
سيدنا ونبينا وحبيبنا محمد
- صلى الله عليه وسلم -
وعى ال بيته وصحبه اجمعين
اللهم امين

......

حبايبى ..

طبعا كلنا بنحتاج وجبات غذائية صحية ودى من اهم الأساسيات فى الرياضة بتاعتنا ..

غير انها بتنفعنا جدا فى الدايت بتاعنا .. او حتى مرحلة البالك

...

والملخص

اننا فى الموضوع ده عاوزين نلم اكبر كمية من وصفات الاكلات الصحية

أى واحد فينا عنده وصفه صحية عارفها او جربها يا ريت يشاركنا بيها

ويكتب قبل الوصفة نبذه عن الوصفة وفوايدها لو امكن

ويحط كل وصفة فى رد

علشان بعد كده هنخلى المشرف دريمر يعمل بيه فهرس فى اول صفحة فى الموضوع علشان تبقى سهلة على الجميع انه يعرف وصفات الموضوع

وهنخلى الموضوع هنا فى الاستفسارات مؤقتا عقبال ما نعمل مجموعة كويسة وبعد كده ننقلة للعام او نخليه هنا

والله الموفق

وانا هبدأ بنفسى فى الرد اللى جاى إن شاء الله

من طرف Mony khaled الثلاثاء يونيو 17, 2014 5:58 am

سطلة التونة بالشوفان

..
..

..
..

ميزة السطلة دى انها بتحتوى على اغلب العناصر الغذائية الصحية

فعلا غنية بشكل كبير لانها فيها بروتين صافى وكارب معقد ودهون مفيدة وخضروات

ومع الوصفة

...

المكونات

علبة تونة صافية من الزيت
4 معالق شوفان جاف من العلبة
خضار سطلة " طماطم جزر بقدونس .. إلخ
زيت زيتون
ملح و فلفل اسمر
..

مدة التحضير 5 دقايق
..

هانجيب طبق غويط شوية .. ونحط فيه علبة التونة بعد ما نصفيها ونحط عليها الشوفان
نقلب لغاية ما الشوفان يختلط مع التونة جامد
وبعد كده نحط الطماطم والـجزر والخيار والبقدونس ومكونات السطلة اللى عندك
ونتبلها بملح وفلفل خفيف
ونقلب تانى
ونقدمها فى طبق ونحط زيت الزيتون على الوش
أسرع من كده مافيش

وبالهنا والشفا يا شباب

من طرف Mony khaled الثلاثاء يونيو 17, 2014 5:59 am

الماكريل بصوص الباربيكو

......

..
..

ميزة الوجبة دى انها غنية بالبروتين ورخيصة اخر حاجة

كيلو الماكريل المجمد بيعمل 3 سمكات بـ 10 جنيه كل سمكة حوالى 300-350 جرام يعنى اد علبة التونة مرتين
والسمكة وقفة بـ 3 جنيه ونص يعنى ارخص من علبة التونة بمره كاملة

يعنى انت بتوفر بطريقة جامدة
...

المكونات

1 سمكة ماكريل مجمد منزوعة الرأس والمعدة
- فلفل اخضر وبصل شرائح"وممكن تضيف طماطم وبقدونس وكسبرة
وممكن تعمل السمك لوحدو من غير اى حاج للإنجاز وانا بعمل كده "
- معلقة كبيرة صوص باربيكيو

...

مدة التحضير من 15-20 دقيقة فقط انت وسرعتك

...

هانقطع السمكاية إلى دواير " طرنشات ونحطه فى حلة صغيرة اوى على قده او طبق ممكن يتسخن على النار
نحط معلقة الصوص فى كوباية مية على اد السمك وندوبها فيها ونحطها على السمك
نحط الخضار ورشة ملح وفلفل خفيف ونقلب كله
نحطه على نار هادية ونغطيه ونسيبة يستوى
" السمك مابياخدش 10 دقايق سوا علشان محدش يحرقو "

وبالهنا والشفا

وجبات حرفوش الصحية

وجبات حرفوش الصحية

رد: وجبات حرفوش الصحية

رد: وجبات حرفوش الصحية